謝賢靠倒吊 keep住不老

「四哥」謝賢最近接受奇妙電視節目《天下第一Friend》訪問，親自解開chok爆兼不老之謎！原來四哥家有健身倒吊機，他以招牌笑聲朗朗笑道︰「我日日都要吊幾次㗎！」

據知倒掛身體可進促血液循環，年屆80仍頭髮濃密的四哥說︰「早年我本來有一撮白髮，後來吊吊下就無咗，都幾神奇！」他還邊倒吊邊拍打臉部減少皺紋。至於飲食和生活作息，他直言甚麼都吃，從來不戒口，現在閒時會行山。對於被指是「Chok王之王」，四哥自言從沒刻意經營，他說︰「我只係因為做呢行唔可以失禮人，所以打扮下啫，Chok係人哋覺得啫！」

四哥當年因其姊看到招聘廣告而推薦他入行，未幾已紅透半邊天。四哥花名一大堆，包括「阿腎」，他解釋︰「以前我好百厭，開工成日玩，前輩咪話我腎腎哋囉，耐咗索性叫我阿腎！」

當年四哥頭一部戲片酬有150大元，足夠普通人家一個月開支。此外，四哥的情史也為人津津樂道，然而他卻反駁︰「成日話我係溝女王，其實我好專一㗎！成世人都只拍過五次拖，仲要次次都係畀人撇，陰功！」

撰文︰Pauline

編輯：黃卉彤

設計：K