黃埔新天地 潮玩3大拍攝科技

話咁快就8月喇，暑假踏入下半場，各位媽媽係咪都開始苦惱仲有咩地方可帶小朋友去玩呢？黛安知道黃埔新天地今個月有新搞作。8月20日前逢星期六、日，都會請專業拍攝團隊喺時尚坊同大家潮玩3D打印、動影、高速快拍，幫大家喺呢個暑假留倩影！

去到黃埔新天地嘅「你相SUMMER SHARE」場館裏面，大家可以喺《3D迷「你」工場》做個多角度真身掃描，再用3D打印技術塑造你自己嘅迷你全身或頭像公仔，像真度極高！仲可以去《360「動」作出版社》擺出連環動作整成動畫，出番本自己做主角嘅手翻動畫書。《高速放閃影館》就幫大家以極速攝錄機影低瞬間動態，再轉化成慢速影像，展示忘我表情，啱晒放上FB、IG吸like！