【聲明】港生活網站並無進行電話推廣活動

香港跳繩隊 街頭施展摩打腳

發佈時間: 2017/08/07

大家仲記唔記得之前喺亞洲跳繩錦標賽,橫掃91面獎牌、刷新咗3項亞洲紀錄嘅香港跳繩代表隊,噚日佢哋就喺街頭大展身手,表演各項絕技,睇到大家眼都唔眨啊!

呢項快閃公開演出,係代表隊凱旋而歸後嘅第一次,佢哋特別揀喺恒隆旗下平日最旺嘅地標商場,包括山頂廣場、銅鑼灣Fashion Walk、旺角雅蘭中心和九龍灣淘大商場演出。黛安覺得跳繩係一項好好嘅運動,又可以同其他朋友仔一齊跳,等多啲人去認識都係一件好事。今次帶隊嘅教練兼亞錦賽男子團體總亞軍成員楊子龍話,表演項目包括單人、雙人和團體花式跳繩,可以畀市民近距離欣賞跳繩隊驚人嘅速度、合拍性和專注性。

撰文: 黛安 消息特靈八卦公關
欄名: 八卦名利場