恒隆客戶服務獎 表揚前綫優質員工

恒隆地產今年第3年舉辦「綠寶石客戶服務獎」，以鼓勵同嘉許前綫員工提供更好嘅服務質素，做到「多做一點，前瞻一里」，黛安噚日親身去到頒獎禮向6位得獎者「取經」。今屆有5個獲嘉許嘅優質服務個案，涉及6位喺客戶服務表現出色嘅前綫員工，得獎者來自香港同內地嘅恆隆廣場丶淘大花園同埋山頂廣場，佢哋分別擔任收銀員、客服員、保安員同埋賓客服務主管等嘅職位。

「綠寶石客戶服務獎」得獎者係由恒隆高級管理層組成評審委員會選出，其中一個得獎者係喺淘大花園任職高級保安員嘅吳淦輝。佢曾接報有長者不適，但因資料有誤，佢要致電同座獨居嘅每位長者，最後畀佢發現其中一人無辧法聯絡到，於是喺上級同意後報警，警方同消防員到場要爆門，發現一名年約80歲嘅婆婆暈倒，立即送院，好彩最後婆婆並無大礙，佢事後都有慰問婆婆。黛安都好佩服得獎者嘅敬業精神！