前夫薛世恒加入娛圈 法拉唔介意演夫妻

Neway大少薛世恒曾經力捧王浩信、HotCha等藝人，他本身亦醉心演戲，近日決定以40歲之齡轉戰幕前，已簽約北京一間經理人公司。陳法拉被追問此事，她對前夫的決定百分百支持，直言不介意將來合作。

陳法拉、周秀娜等昨日出席GIVENCHY Beauty唇膏發布會，法拉剛從法國執導微電影返港出席活動，之後又急急返紐約繼續學業，預計明年五月畢業。

薛世恒躋身幕前發展，法拉稱有留意報道，並表示︰「支持佢。（是否太遲先入行？）男藝人壽命好長，會有排做。（有冇畀意見佢？）咁又無，佢咁大個仔識啦。」法拉承認彼此仍有聯絡，問她可會介意合作拍戲？她回應說︰「將來要睇劇本，如果有啱都唔介意，但將來嘅事將來先知。（如果合演情侶呢？）邊個寫劇本寫到咁啱呀！（可能為你度身訂造呢？）咁酬勞要好啲。（擔心法籍男友呷醋嗎？）唔會，做嘢還做嘢。」

娜姐呻樓價太貴

周秀娜自認對唇膏頗有研究，她指每支唇膏的質地都不同，閒時會在家中逐一去試。她又透露有意把二手衫捐出來作慈善用途，皆因每日都要忙於收拾衣物。是否需要搬大屋？娜姐坦言︰「係，唔夠空間，雖然我個人好slim。不過樓價太貴，買唔落手，如果買過千呎樓，我要努力搵錢，暫時仲係租緊樓住。」

採訪︰Pauline

編輯：陳禮恒

設計：梁政敏