傳「翠蕭」外地秘婚 曹永廉「被教」答唔知

田蕊妮、曹永廉（阿廉）及何廣沛等昨日宣傳劇集《超時空男臣》，缺席活動的蕭正楠盛傳跟女友黃翠如去外地結婚，好友阿廉漏口風笑說︰「阿蕭好耐之前請咗假，前一晚我問佢如果記者問到點答，佢教我答唔知。」

阿廉說︰「阿蕭講過佢哋結婚會搵我做伴郎，但我依家要拍劇，等佢哋下次先啦！」等到二人補擺喜酒才任伴郎？他說︰「我真係唔知，都係聽講。可能有時後生仔女一時衝動去註冊，總有原因，好似我同太太當年都係大肚先去註冊。」

同場的阿田提到「翠蕭」結婚時說︰「結婚係開心事，我問佢（阿蕭）結到幾時，佢答我『生埋仔先返』。」另外，陳煒承認離婚，阿田也有留意︰「維持婚姻係好深嘅學問，緣份好難講。」她自言不能與老公杜汶澤分開太久，所以拍完新劇會放長假陪伴家人。

撰文︰李潔盈

編輯︰林梓添

設計︰梁政敏