【聲明】港生活網站並無進行電話推廣活動

新地九大商場 暑假生意達$20億

發佈時間: 2017/08/11

悠長嘅暑假嚟到中段喇,黛安見到唔少大人同小朋友都出動去商場消費,其中新地旗下九大商場仲人頭湧湧,無論食肆、商舖都係人呀!聽新地代理租務部總經理鍾秀蓮講,佢哋為九大商場投資$1,164萬做暑假推廣,由上個月至噚日一共錄得4,727萬人流,營業額多達$20億,分別比舊年勁升11%同8%,認真好成績!

佢仲話,今年特別推出各式主題推廣刺激生意,結果人流同銷情都錄得平穩增長,尤其係食肆、兒童產品有好好成績,「而一田超市上個月進駐將軍澳東港城,吸引唔少市民去『朝聖』同買嘢,單計人流就有1,137萬,營業額達$5.8億,差唔多比舊年升一成。」

見到市民咁開心出街玩,黛安希望大家繼續捉緊夏天尾巴,刺激香港零售飲食業呀!

撰文: 黛安 消息特靈八卦公關
欄名: 八卦名利場