市場推廣實力獲認同 《晴報》Spark Awards奪5獎

上星期四晚，黛安喺權威市務雜誌《Marketing》舉辦嘅Spark Awards頒獎禮上遇見好多marketers。梗係啦，皆因Spark Awards係香港marketing界盛事之一，每年都會喺頒獎禮上表揚創新、創意及成功嘅市務方案，能夠晉身頒獎台嘅嘉賓，固然有一定分量啦。

共獲2金3銅

黛安都好想借呢個機會恭喜《晴報》，事關當晚我喺會場上，多次見佢哋嘅同事踏上台階領獎。後來聽《晴報》嘅姊妹總結，原來當晚佢哋奪得2金3銅一共5個獎項！兩個金獎包括「Best Acquisition Strategy」同「Best Use of Customer Insights」，另外亦在「Best Social Media Event」獲頒銅獎，真係好戥佢哋開心！

5個獎項當中，有兩個更加係《晴報》同客戶合作嘅提案，包括同雀巢合作嘅「雀巢柏齡薈」，以及與Hawaii Tourism Hong Kong合作嘅「夏蕙姨去夏威夷」，分別獲得「Best Media Campaign–Print」銅獎，以及「Best Media Campaign–KOL」銅獎，成績相當唔錯！黛安對「夏蕙姨去夏威夷」至今記憶猶新，記得短片早前在facebook締造「洗版」效應，喺市場上亦都獲得好大回響，所以今次攞到獎，可謂實至名歸。

《晴報》嘅老友仲好開心咁同黛安分享，今次有咁好成績都係全賴客戶支持同埋市場認同，仲話會繼續努力畀心機，再創造更多優秀嘅市場推廣項目畀大家。