懷欣懷谷上台jam歌 阿Sam笑校長收埋個仔

「歌神」許冠傑（Sam）與譚詠麟（校長）首度合作，一連12場演唱會前晚於紅館開鑼。兩人獻唱多首金曲，又不時大放笑彈。阿倫對Sam稱︰「我25歲，你咪最多28歲！」兩人又自封做「午餐肉」，有防腐劑，比小鮮肉更耐看。

阿Sam的兩個囝囝許懷欣、許懷谷有份上台表演，而譚詠麟的兒子譚曉風，只在熒光幕上顯示早前牛津大學碩士畢業時，跟譚校長抱抱的背面合照。兩人在後台受訪時，Sam「投訴」阿倫不讓兒子曝光，阿倫說私下會給他看。囝囝學有所成，問阿倫會否打本給他做生意當獎勵？阿倫即抵死說︰「我唔知你哋講乜，唔好拉開話題講呢啲啦。」隨後又透露兒子已踏足社會工作，並多謝大家關心。

首場超時完騷

訪問期間，發現阿倫的手指有傷痕，他解釋當時唱到握手位，有保安在混亂中不慎整傷他，但沒有大礙。兩人第一場已唱到11時59分才結束。阿倫即謂︰「好彩你哋做證，罰就罰梗喇！因為11點半就開始會罰。不過之後會短番啲，無嘉賓㗎喇。」阿Sam則笑謂與阿倫實在有太多歌想唱，所以每晚的歌單有少許不同，希望將想唱的歌都盡量唱到，阿倫就預告日場會選唱一些較冷門歌。

阿倫提起阿Sam於85年拍戲時患高山症表現得好感觸︰「係呀，隱藏喺心入面無講！係真事，其實當時好擔心，我同Michael（許冠文）兩行眼淚，但我安慰Michael，相信阿Sam啦，阿Sam係得嘅。」Sam笑言︰「係呀，終於唔死得。」

撰文︰Pauline

編輯︰陳禮恒

設計︰招潤洪