黛安
黛安

apm達人夜書市 9pm後低至一折

發佈時間: 2017/08/15

apm達人夜書市 9pm後低至一折

觀塘apm商場連續第十二年舉辦達人夜書市,黛安作為一個鍾意睇書嘅文青,當然要去揀番幾本好書喇!達人夜書市由即日起去到今個月23號,每日中午12點到夜晚12點喺apm大堂擺攤,晚上9點之後超過1,000本書仲以特價發售、低至一折起!apm仲會請嚟20幾位人氣作家同潮流文化人舉辦簽名會同工作坊,今年仲會以「香港地」做主題,真係夠貼地!

apm又就港人閱讀習慣做咗個調查,發現原來有9成受訪年輕人鍾意睇實體書,而鍾意睇電子書嘅都有8成半。循道衛理觀塘社會服務處服務督導主任溫家琪話,電子書方便又快捷,啱晒一眾心急嘅年輕人。

不過,實體書嘅質感始終都係難以取代!佢又同黛安分享,多數年輕人都鍾意睇小說,全因愛情橋段夠浪漫,可以帶嚟童話式嘅幻想。而近年愈嚟愈多cafe,文青可以歎住咖啡睇書,所以吸引到唔少年輕人放假都選擇安心閱讀。

撰文: 黛安 消息特靈八卦公關
欄名: 八卦名利場