苗僑偉特訓冷門目標三甲

苗僑偉（三哥）、王浩信和陳凱琳（Grace）昨日以教師身份出席港姐活動，三哥率先揀了年僅17歲的邱晴作為學生，他笑言︰「唔好話教，分享心得咁啦。大熱門離不開嗰三個，揀個冷門，如果成功殺入三甲，對自己挑戰都幾大。其實17歲有baby fat好正常，觀眾會鍾意。」

另外，王浩信和陳凱琳同時睇中大熱門伍樂怡，結果伍樂怡揀了陳凱琳，伍樂怡事後表示揀Grace因為對方有參選經驗，不過她坦言有壓力，但仍充滿信心。而Grace認為伍樂怡臨場表現不錯，她會教對方多與朋友及家人傾偈減壓。而慘食檸檬的王浩信大方表示，自己都一定會讓給Grace，他又打趣表示︰「伍樂怡係大熱門，可以唔使點教都得！」