【聲明】港生活網站並無進行電話推廣活動

VTC籌款音樂會 AR技術增感官體驗

發佈時間: 2017/08/17

職業訓練局(VTC)嘅課程種類多元化又實用,一向深受唔少學生同家長歡迎。唔經唔覺,眨下眼原來VTC已經35周年啦,黛安知道佢哋將於9月1號晚,喺會展舉行「樂韻夢飛翔」籌款音樂會,為VTC學生基金籌款;今年仲會搞搞新意思,喺音樂會度新增AR(擴增實境)技術,配合交響樂團和合唱團演出,實時將畫面和圖像投射喺舞台和場館內,為觀眾帶來嶄新的感官體驗。

VTC傳訊部姊妹向黛安介紹,VTC交響樂團及合唱團分別喺05年及09年成立,佢哋今年將在藝術總監兼指揮石信之博士帶領下,呈獻一系列經典樂曲和電影金曲,仲請到歌手鄭欣宜做特別嘉賓𠻹。咁有意義又有視聽享受嘅表演,真係要買飛入場支持呀!

撰文: 黛安 消息特靈八卦公關
欄名: 八卦名利場