VTC籌款音樂會 AR技術增感官體驗

職業訓練局（VTC）嘅課程種類多元化又實用，一向深受唔少學生同家長歡迎。唔經唔覺，眨下眼原來VTC已經35周年啦，黛安知道佢哋將於9月1號晚，喺會展舉行「樂韻夢飛翔」籌款音樂會，為VTC學生基金籌款；今年仲會搞搞新意思，喺音樂會度新增AR（擴增實境）技術，配合交響樂團和合唱團演出，實時將畫面和圖像投射喺舞台和場館內，為觀眾帶來嶄新的感官體驗。

VTC傳訊部姊妹向黛安介紹，VTC交響樂團及合唱團分別喺05年及09年成立，佢哋今年將在藝術總監兼指揮石信之博士帶領下，呈獻一系列經典樂曲和電影金曲，仲請到歌手鄭欣宜做特別嘉賓𠻹。咁有意義又有視聽享受嘅表演，真係要買飛入場支持呀！