袁偉豪又追港姐 張寶兒甜笑默認

36歲無綫小生袁偉豪（Ben）昨日被傳秘戀25歲港姐張寶兒（Bowie），有指兩人早前到非洲拍攝旅遊節目時互相傾慕，返港後更加打得火熱，昨日張寶兒甜笑承認雙方互相了解中；不少視迷大讚兩人郎才女貌，但亦有口痕友指Ben傷透舊愛岑杏賢的心。

袁偉豪去年與港姐岑杏賢分手後，感情一直未有着落，而據知張寶兒曾有一位拍拖七年的男友，但兩人去年已分手。回復單身的張寶兒，今年五月跟袁偉豪、楊明到非洲坦桑尼亞拍攝《打工捱世界II》，型男與美女就此火速撻着，兩人回港後亦不時單獨約會，感情一日千里；有指日前兩人駕車返電視城開工期間，將座駕停泊在一起，認真「難捨難離」。

對於袁偉豪和張寶兒爆出戀情，有視迷盛讚兩人外形非常合襯，但亦有人指袁偉豪分手時傷過岑杏賢一次，如今好像在前度傷口上灑鹽。

岑杏賢送祝福

至於「新豪嫂」張寶兒昨日現身電視城時，被追問與袁偉豪是否拍拖？她即甜笑直認互相了解中︰「我好欣賞佢，佢係一個好務實同好出色的藝人。」問到是否已準備給對方機會？張寶兒坦言︰「感覺到互相表示友好，亦唔抗拒，睇下點囉！」而岑杏賢對於袁偉豪與張寶兒爆戀情，亦大方回應︰「我有睇報道，但唔知真定假，如果是真的，都戥佢哋開心！」

撰文︰Pat

協力︰Carol

編輯︰黃寶恩

設計︰梁政敏