Market Place網店大抽獎 送蘇梅島機票住宿

依家網購咁方便，一指操控咩都買到返屋企，真係街都唔使出。黛安知道最近Market Place推出咗網上超市Market Place Delivers，可以做到即日送貨，朝早買餸，夜晚收工返到屋企就可煮飯，住家飯都可以食多啲。依家仲搞緊大抽獎，送蘇梅島4日3夜住宿連機票，勁吸引啊！

買滿$500可參加

網購除咗講求質量好之外，最重要就係要送貨快！公關姐妹就話畀黛安知，Market Place Delivers話到明，只要朝早11點之前喺網上落單，就會即日送貨，仲有特快送貨服務，畀完錢最快4個鐘之內收到貨，咁嘅服務質素真係無得彈。

網站剛推出，就做緊推廣同大抽獎。只要即日起至今個月31號買滿$500，就可參加第一輪大抽獎，頭獎係雙人來回4日3夜蘇梅島機票，連度假村住宿和一次私人廚師海灘燒烤晚餐，名額有4個！二獎同三獎就分別有$1,000和$200電子優惠劵。如果抽唔中，9月都仲有第二次大抽獎機會。

公關姐妹仲話，即日起至9月3號，每日最先完成網上購物，而且係買滿整數$1,000，就有機會贏得每日家電獎賞，獎品包括至潮嘅BRUNO多功能電熱鍋套裝，或者Panasonic IH電飯煲等電器，獎品好豐富！