黛安
黛安

9架直升機降落中環 免費參觀

發佈時間: 2017/08/21

9架直升機降落中環 免費參觀

直升機黛安就未有機會坐過,不過就有機會近距離接觸!事關噚日係「世界直升機日」,除咗歐、美、澳等國家有慶祝活動之外,香港都首次參與一齊慶祝。9架來自美國同法國嘅直升機,噚日喺維港飛過之後,就降落於中環新海濱展出,市民除咗可以上機參觀,仲可以玩攤位遊戲,同埋聽機師嘅分享,了解飛行文化𠻹。

王敏德擬從事飛行工作

熱愛飛行嘅「靚佬」王敏德(Michael)噚日都有上台分享飛行心得,佢話今次係香港第一次有直升機喺公共空間展出畀大家參觀,希望之後每年可以繼續。佢透露出年會去美國上堂同考牌,之後返嚟做私人直升機飛行工作,同埋幫香港飛行總會基金宣傳。佢又向記者大讚囝囝喺駕駛直升機方面都有潛質,可惜興趣就唔算很大。

有份協辦今次活動嘅香港飛行總會基金表示,全球有5.6萬幾架直升機,每一日喺世界各地進行搜救、空中救護、運輸等工作,為咗嘉許相關行業人士嘅付出,每年8月嘅第三個星期日都係世界直升機日。

撰文: 黛安 消息特靈八卦公關
欄名: 八卦名利場