【聲明】港生活網站並無進行電話推廣活動

蚯蚓堆肥處理廚餘 創新提案贏$5萬

發佈時間: 2017/08/21

依家愈來愈多人重視環保,黛安亦唔例外,購物前都會停一停、諗一諗。「賽馬會低碳創聚」早前舉辦嘅「零碳創新提案戰2017」,就想畀民間發揮創意,鼓勵人諗一啲創新方法去救救地球,得獎者仲有獎金𠻹!

其中,希望推廣用蚯蚓堆肥、以天然方法紓緩廚餘問題嘅「蚯蚓箱人」,除咗奪得「最佳創新小組獎」和$5萬獎金外,仲拎埋「最受觀眾歡迎獎得獎」,睇嚟大家都好like呢個idea。另外,「最佳公開組別獎」就由推廣電子收據平台嘅「Recipio」贏得,希望大家少啲用紙咁話。

「賽馬會低碳創聚」由香港賽馬會慈善信託基金捐助超過$1,000萬,支持活動3年,目的係希望凝聚更多以可持續為目標嘅團體及有心人,等更多綠色種子可以喺香港發芽,茁壯成長。

撰文: 黛安 消息特靈八卦公關
欄名: 八卦名利場