阿倫靠認真做「開騷王」

黃子華笑指阿倫是全香港開最多演唱會的人，做完騷可以去打波，打完波又可以開騷。言下之意，是阿倫精力過人。此言非虛，完騷去後台探班，阿Sam怕應酬，滾水淥腳第一時間走人，御用化粧間空空如也。阿倫專用化粧間門外則排滿來朝聖集郵的朋友，問阿倫累嗎？他朗聲說︰「唔攰！即刻開多場都得。」

阿倫素有「幸運倫」外號，但演唱會長開長有，榮膺「開騷王」非靠幸運。認真，才是主因，例如又唱又跳三粒鐘後，他在後台企定定跟朝聖人龍合照後，雖已是凌晨時分，他仍馬上就地召集各單位到化粧間開檢討會，指出哪裏要改善，巨細無遺，他邊做騷邊記下要改進的地方，一心幾用，而且不是一晚，是晚晚檢討，追求完美，加上有市場觸覺，構思出跟阿Sam合體開騷，兩人加起來百幾歲比小鮮肉更跳脫，成為佳話。

（本欄逢周一、三、五刊登）