王浩信學碧咸 砌城堡冧女兒

王浩信（Vincent）及唐詩詠昨日到天水圍出席活動，Vincent在台上把「天水圍」講成「上水」，當他發覺後立刻跟市民耍冧。Vincent指工作忙，今個暑假未有時間與妻女去旅行，但會抽空陪個女玩。最近「萬人迷」碧咸親手砌出城堡氹女兒，剛巧Vincent又買了同一座城堡砌給寶貝女，他說希望女兒將來有個美好回憶。

對於新劇《棟仁的時光》拍檔袁偉豪與張寶兒的感情發展中，唐詩詠說︰「恭喜佢，我都係早你哋少少知，都戥佢開心。（同王浩信合作搞Cafe？）我哋一路都有傾，目前進行中！（緋聞男友盧啟邦有新女友？）唔回應，都唔關我事。」