黛安
黛安

野外定向執膠樽 身體力行學環保

發佈時間: 2017/08/22

野外定向執膠樽 身體力行學環保

要喺繁忙嘅香港唞唞氣,好多人會揀行山、跑步。黛安噚日試玩咗長春社嘅「生態捍衞戰」野外定向比賽,幫手執下郊野垃圾,仲同長春社總監蘇國賢編埋一組𠻹。聽蘇生講,原來香港人每年棄置成19億個膠樽,而用膠袋同膠餐具就更誇張,足足係膠樽嘅16倍!「呢十幾年塑膠用量都維持喺高水平,好想市民多了解膠樽問題,唔係得環保人士先會自備水樽出街。」

同隊嘅歌手小肥都話,參加咗野外定向先接觸多咗大自然,思考番人嘅生活習慣對環境影響,「喺屋企會少啲開冷氣」。黛安諗番起自己去做運動時都會貪方便買樽裝水,真係好內疚,所以想帶朋友玩多次,實行做「思想教育」。蘇生聽到都舉晒拇指讚好︰「嚟緊10月會再喺大潭郊野公園玩野外定向,無行開山都啱行。」但因為大會唔想太干擾生態環境,只預300人左右參加。有興趣可登入http://www.cahk.org.hk/ecorangers了解詳情。

撰文: 黛安 消息特靈八卦公關
欄名: 八卦名利場