祖藍投資網劇唔預亞男

王祖藍、鄧建明、李思欣、范振鋒、冼國林及杜宇航等在颱風「天鴿」吹襲下出席《廣東好萊塢》影視扶持政策記者會。冼國林和杜宇航當年師徒反目，昨天活動上兩人前後腳到場未有碰頭，但對於再合作均表示歡迎。

昨日姍姍來遲的王祖藍表示由於之前還未落8號風球，所以一直不敢出門口，他笑言︰「今日揸車好似障礙賽咁，馬路上有好多倒塌嘅樹，開車又快，真係險險地。」本身有自己製作公司的祖藍表示，未來日子將會開拍一齣網劇，他會出任投資者，但不會演出。「呢套劇會喺佛山影城裏面一條民初街拍攝，以民初查案為題材。（會唔會力捧老婆李亞男？）佢喺《老表》入面都係做茄喱啡，（你可以禁止老婆拍親熱戲。）我睇咗馮德倫執導嘅《俠盜聯盟》，舒淇有幾場戲都無畀人錫到，不過我唔會咁做。」

師徒同場不相見

杜宇航表示今次活動是佛山市政府邀請到來，本來他的拍檔亦由菲律賓來港，可是受颱風影響，最終都未能出席。問他與師傅冼國林可有聯絡？他說已很少聯絡，各有各忙，但電影圈不大，即使再見面亦不會尷尬。

冼國林隨後到場，被問到可會再與杜宇航合作？他表示︰「歡迎！任何人做電影嘅都係一家人。」談到他在七年前返佛山興建影城，至今發展已很成熟，加上中央推廣影視文化，佛山市政府已有先決條件去打造「廣萊塢」。他又透露預計明年會有六個影棚落城，問他豈不是賺很多？他說影城內有很多配套，每個月每組戲平均有100萬收入。

撰文︰Pauline

編輯：林梓添

設計：梁政敏