張智霖牛一 搞麻將派對

張智霖（Chilam）昨日以代言人身份，現身銅鑼灣鬧市為月餅品牌宣傳，吸引大批粉絲及市民圍觀，期間他邀請幾位粉絲上台試食新口味月餅，引得未能參與的粉絲不停尖叫，適逢本周日是他46歲生日，大會特別準備月餅為他提早慶生。

Chilam的粉絲即場唱生日歌，而他也順應粉絲要求逐一合照，場面相當熱鬧。問他怎樣慶生？Chilam坦言不要驚喜，覺得浪費時間，倒不如想做甚麼就直接去做。「我愈來愈怕應酬同去慶祝派對，如果真的要搞一個飯局，我希望所有賓客都放低手機，用兩、三小時專心食飯，因為我想整晚可以同朋友有多啲眼神交流。」

唔同太太對戰

他坦言生日就想相約三五知己打麻將，簡單得來又開心，贏錢又會捐出去做善事，相當有意義。他笑言麻雀腳已有，開兩、三枱都無問題，更自誇技術比老婆袁詠儀高很多班，所以二人不會同枱對戰。那他又想兒子魔童送甚麼禮物？他直言︰「無乜要求，正所謂羊毛出自羊身上，佢使嘅錢即係我嘅錢，只要佢健康成長已經係最大禮物。」

另外，Chilam日前玩啤牌與譚詠麟慶生，結果校長當旺通贏，他笑說︰「我係大輸家，不過輸並唔重要，最重要係大班人開開心心一齊玩。」

撰文︰Pauline

攝影︰林良明

編輯：林梓添

設計：李明