【聲明】港生活網站並無進行電話推廣活動

Canon學童善影日 影靚相兼做善事

發佈時間: 2017/08/28

話咁快今個星期五已經係9月1日,要開學啦!唔知大家準備好開學要用的學生相未呢?黛安知道佳能Canon舉辦咗個「It's Okay學童善影日」,由佳能專業客戶服務代表為參加者影學生相,包括1款數碼檔案同埋列印35mm x 45mm尺寸相片12張;另外為咗希望鼓勵學生多啲表達情緒,仲會請學生們放膽擺出唔同嘅表情影靚相。參加者只需要向聖雅各福群會捐多過$200,就可免費參加活動,仲可即場得到價值$200嘅佳能現金券!

活動由即日起去到本月31日,喺佳能數碼影像坊(尖沙咀彌敦道63號國際廣場20樓)舉行,所得款項將不扣除成本,全數捐畀聖雅各福群會。黛安雖然已脫離學生身份好耐,但咁有意義嘅活動,梗係要宣揚開去啦!

撰文: 黛安 消息特靈八卦公關
欄名: 八卦名利場