Canon學童善影日 影靚相兼做善事

話咁快今個星期五已經係９月１日，要開學啦！唔知大家準備好開學要用的學生相未呢？黛安知道佳能Canon舉辦咗個「It's Okay學童善影日」，由佳能專業客戶服務代表為參加者影學生相，包括1款數碼檔案同埋列印35mm x 45mm尺寸相片12張；另外為咗希望鼓勵學生多啲表達情緒，仲會請學生們放膽擺出唔同嘅表情影靚相。參加者只需要向聖雅各福群會捐多過$200，就可免費參加活動，仲可即場得到價值$200嘅佳能現金券！

活動由即日起去到本月31日，喺佳能數碼影像坊（尖沙咀彌敦道63號國際廣場20樓）舉行，所得款項將不扣除成本，全數捐畀聖雅各福群會。黛安雖然已脫離學生身份好耐，但咁有意義嘅活動，梗係要宣揚開去啦！