樹仁斥$4000萬 成立多媒體製作中心

樹仁大學全新「賽馬會多媒體製作中心」昨日正式啟用！黛安都有去湊熱鬧，仲見到唔少名人！包括樹仁大學校董會成員、退休法官胡國興、香港新聞博覽館有限公司主席陳祖澤，同埋多名資深傳媒人「撑場」，認真畀面！

聽講中心前身係新傳網，樹仁大學今次斥資$4,000萬成立，當中馬會資助$2,348萬。中心喺今年1月先落成嘅研究院綜合大樓內，有成3.4萬呎，而且設備好齊全，包括有容納200人嘅多媒體劇場，可以一邊錄影，一邊網上做live，仲可透過手機app即場進行投票，而劇場嘅座位可隨時收起，立即變成錄影廠或者黑盒劇場亦得。

黛安仲知道，馬會今次資助當中，有$300幾萬會畀中學生、非政府組織同樹仁合作，喺3年內利用中心設備製作短片，參加多媒體製作比賽。樹仁畀到最全面嘅資源學生，又可以貢獻社會，真係好有heart呀！