【聲明】港生活網站並無進行電話推廣活動

HKU SPACE 60載 校友見證光輝歲月

發佈時間: 2017/08/29

「活到老學到老」喺瞬息萬變的今日尤其重要,推廣持續教育的香港大學專業進修學院(HKU SPACE)今年已經成立60周年,校友逾百萬,可謂桃李滿門,學院為此推出新書《活學空間60載—HKU SPACE校友的見證》,搵咗60位師生同校友,分享喺學院的經歷點樣改變佢哋的人生軌迹。黛安亦參加咗新書發布會,榮休院長楊健明講起學院嘅威水史,原來唔少科目例如法律、中醫等,都係由學院率先開辦,之後再被引入本地其他大學。

學院多年來孕育咗唔少知名人士,曾被《透視雜誌》選為「亞洲四十驕子」之一嘅80後設計師羅曉騰(Ken)都有到場分享,原來佢係名校中學出身,但想考大學設計系,結果考咗3次都失敗,喺朋友介紹之下報讀SPACE嘅視覺傳意系,以第一名成績畢業,畢業嗰年仲獲香港設計師協會頒發「設計學生年獎」金獎!佢話,年輕人成長時有啲迷失,「好彩有啲有心人創辦課程,一班熱血嘅年輕人先有機會。」

撰文: 黛安 消息特靈八卦公關
欄名: 八卦名利場