70年代巷仔奶茶 重現大坑

數數手指，石硤尾蘇記、Eason也鍾意幫襯的大坑炳記，香港鐵皮茶檔可謂所剩無幾。但最近有好消息，2003年結業的銅鑼灣小販茶檔「德成」，早前在大坑重開，新店由茶檔老闆女兒Savin「煮」理，主打名物之一，當然是巷仔奶茶。

90年代的銅鑼灣蘭芳道與白沙道間，有間神隱小販茶檔「德成」，位置超隱蔽，1972年開業，賣咖啡、奶茶、多士以及牛雜粉等，不過隨着2003年老闆退休，小店也結業。

誠邀金茶王助陣

想不到事隔14年後，茶檔老闆女兒Savin在大坑新開一間同名茶記，重現當年的王牌奶茶。Savin拿出爸爸秘方，再邀請2014年金茶王生哥（葉達生），重做當年的招牌奶茶，配方內其中一款茶葉「金玫瑰」已停產，生哥就配了1款直接由錫蘭採購的茶葉來模仿當年風味，老闆娘話做到有9成相似，也得父親試味首肯才推出，當年馳名的巷仔奶茶復活了。

新店更重金設置了自家餅房做酥皮蛋撻、雞蛋糕等懷舊老餅，麵包、西餅每日新鮮出爐，保持舊式冰室風味。店內更推出其他美食，包括80年代流行的燒汁牛頭鐵板餐、鴛鴦焗飯、懷舊黑牛、白雪公主（雪碧配呍呢嗱雪糕）等，又有炒粉麵以及小菜，好多舊客已經過來幫襯啦！

德成巷仔

地址︰大坑銅鑼灣道96號A地下

電話︰2259 9055

營業時間︰6:30am-11pm

編輯︰余運慶

設計︰李明