黛安
黛安

大家樂搵前主播 設計月餅首飾盒

發佈時間: 2017/08/30

大家樂搵前主播 設計月餅首飾盒

一年容易又中秋,雖然當代社會科技進步,但喺節日同親朋好友聯誼嘅濃情從無減退。黛安噚日都收到大家樂Tereza送來嘅兩盒月餅,Tereza好有心,記得黛安雖然係潮人,但就鍾意食傳統「蓮蓉月」同「奶皇月」。話就話傳統,但月餅個包裝一啲都唔老套,黛安緊要問一問搵咗邊個名師設計啦,Tereza就話呢啲法式兔仔花紋,係由無綫前主播郭詠嘉(Wingki)操刀,仲特登採用首飾盒設計,等大家食完仲有番個靚盒仔可以用。

雖然中秋未到,但黛安都忍唔切咗啲月餅,和同事們「先食為快」。月餅用咗出名甜嘅蓮蓉和奶皇做餡,但食落一啲都唔膩,睇番材料先知,原來呢批月餅用上日本海藻糖同湖南湘潭嘅寸三蓮製造,甜度比蔗糖少45%,難怪咁清甜;奶黃都係用吉士同金沙蛋黃做,用料咁講究,唔怪得咁好食啦!

撰文: 黛安 消息特靈八卦公關
欄名: 八卦名利場