【聲明】港生活網站並無進行電話推廣活動

學生研發劍擊機械人 與真人對打

發佈時間: 2017/08/30

隨着科技發展,依家嘅學校愈來愈着重STEM(即科學、科技、工程及數學)教學,黛安噚日就出席咗東華三院一個活動,展出東院轄下小學至中學學生自行研發嘅作品,好似環保吸濕包、劍擊機械人、智能機械人等,就連新聞處處長黃智祖都話值得偷師。

好似東華三院張明添中學6位中四至中六學生,就喺短短2個月發明咗一個劍擊機械人,日後真係可以同佢對打,仲喺今年嘅香港青年技能大賽展出𠻹。現場有兩部智能機械人Pepper同Nao,聽講可以畀特殊需要嘅學生用,依家有30間學校同大專院校都用緊。另外一班東華三院姚達之紀念小學(元朗)嘅學生,就將檸檬、柚子和橙皮曬乾造成吸濕包,細細個就學識廢物利用,抵讚!

撰文: 黛安 消息特靈八卦公關
欄名: 八卦名利場