香港小孩經常被稱為「港孩」，皆因部分小朋友連日常一般自理也難以應付。不過，近年不同的廚藝學院加入親子烹飪班的課程，讓家長與孩子一起走進廚房，孩子動手煮食，家長從旁協助，既可建立孩子自信，亦可訓練其自理能力，一舉兩得，是假日期間共享天倫樂之選。
Towngas 10年前開設親子班
踏入40周年的Towngas煤氣烹飪中心，早在10年前已加入親子煮食的點子，而烹飪中心內亦加入方便孩子煮食的設施，例如爐頭安裝升降的設計，讓高度參差的小朋友也可安全煮食。為了能夠了解當中的樂趣，筆者找來導師Jodie Au（區詠珊）教煮香橙朱古力Cupcake，更邀請多次參加親子烹飪班的小童星Cyrus（柯驊汧）與媽媽柯太，分享箇中的快樂。
升降爐頭設計 方便孩子
Cyrus 4歲時與媽媽參與廚藝比賽，他說︰「我喺呢度都學識咗整好多嘢食，令我都鍾意煮嘢食，但平日功課好忙，好少可以係屋企煮到，不過而家Mummy會叫我幫下手，洗下米，負責煲飯。」
柯太亦說︰「今個暑假Cyrus都開始叫我教佢煮嘢食，不過始終太忙。參加烹飪班就可以方便輕鬆畀佢入廚，我唔使執手尾，哈哈！」而導師亦擔起重要的角色，Jodie表示，每次上課她都會要求家長以協助的角色為主，大部分烹飪過程都希望小朋友一手一腳製作，較危險的工作如開爐，才讓家長出手。相反切菜等技巧，她會教導小朋友自己做，從中培養孩子的自理能力、紀律與耐性。
香港新東方廚藝培訓 小班教學認識食材
香港新東方廚藝培訓（新東方）在2016年由內地進駐香港，一開始已注入親子烹飪的元素。筆者找來導師Joe Wong（黃Sir），以及同為導師的霍太與其9歲女兒Xaria（霍翾靈）分享煮食樂。
新東方會以小班教學為主，黃Sir說︰「烹調過程中，我哋會讓小朋友認識食材、學懂運用工具。透過課堂中嘅嘗試，令父母同小朋友都可以打破廚房好危險的觀念。」
落手落腳煮 不再揀飲擇食
霍太同為新東方的導師，女兒Xaria在5歲時已走進廚房，起初製作三文治，之後開始明火煮食。霍太說︰「女兒會揀飲擇食，好似今日煮嘅嘢食，好多佢都唔鍾意食，但如果落手落腳煮，知道煮飯辛苦，又會食晒。」
Xaria在家中亦經常烹調，所以製作時亦有板有眼，她說︰「我最鍾意就係切材料，平時都會幫媽咪手，最叻就係洗米煲飯。」黃Sir認為，時下小朋友都受家長的保護，參加親子烹飪班，讓孩子與家長增加了解，家長從中可知孩子的能力。
Info ︰
香港新東方廚藝培訓
地址︰北角英皇道93號錦平中心2樓
電話︰2656 2727 / 2351 5858
網址︰http://www.hknoc.com.hk/index/
價錢︰$500/組
備註︰5-12歲的小朋友與1位家長共同參與，可自行組班預約上課。
撰文︰Fiona、Ivy
攝影（部分）：林良明
編輯︰Simon
設計︰Alex
欄名: 要聞專題