無人機科學園送外賣 半分鐘速遞美心Pizza

科技日新月異，叫外賣要人送飯已經「OUT」咗。黛安聽聞香港無人機製造商XDynamics最近與美心合作，自家設計送餐飛行平台，「空運」美心嘅美食，昨日在科學園試飛。飛行全程200米，歷時半分鐘，無人機運送薄餅，過程無難度亦非常穩陣。

黛安八到呢個飛行平台以碳纖維製成，可以負重300克，內置定位及導航系統，飛行自動化。定制貨架疊於機身下，以3D打印而成，塑膠物料可以減輕負重，亦可以減少阻隔無綫射頻傳輸。XDynamics行政總裁Benny Chan同黛安講，無人機市場前景樂觀，美國都有薄餅店係委託無人機送貨喎。