股玩你人亦會玩你

「你玩股、股玩你」這經典金句，其實是源於政府禁毒電視宣傳片中「你玩藥、藥玩你」，股票與藥物，都係明知「你玩唔起」，卻又總會有人相繼中伏。

早前在經過電台走廊，就曾聽過有人高調自誇甚麼上個月賺千萬、日日賺10萬之類，說穿了，如果街外錢真的如此容易賺，這些人早可以疊埋心水玩樂去也，還須出錢出力在媒體宣傳推介自己的功力秘技嗎？

更吊詭是，早前在一個飲食集團分店開幕酒會上，剛巧碰上一位股壇老行尊，不其然輕描淡寫道出這炫富事件時，老行尊反應竟出奇地十分嗤之以鼻。何解？老行尊直言，此人正欠他寶號的股票孖展融資，早前才叫旗下負責此戶口的經紀追數。老行尊揭出此樁「擺門」充大頭鬼事件，竟與當事人自吹自擂相差甚遠，此人戶口炒作之股份輸多贏少，不裝胸作勢擺個靚門，自誇食得招積、住得舒適、超跑遊艇代步、模成群，又如何可以取信於人，搵傻仔墊屍底？

高人一語道破奇聞破綻，不由得不寫個服字，再一次見證「識人好過識字」的硬道理，下次有人因迷信世間上真有免費午餐聽信貼士損手，或者要檢討一下自己究竟係被股玩抑或係被人玩。

（本欄逢周一、三、五刊登）