孖老公賣自家運動衫 熊黛林Show胸做生招牌

名模熊黛林（Lynn）去年與郭可頌結婚後，雖然成為幸福少奶，但未有因此放低事業，反而與老公拍住上，花了一年多時間創立運動服品牌DEVI，Lynn更親身上陣示範自家運動Bra Top，展現健康性感美態。

Lynn與老公結婚後十分恩愛，兩人更同樣熱愛運動，因此得到靈感推出自家運動服飾，今天起正式在網上天貓旗艦店營運。提到品牌命名為DEVI，Lynn甜絲絲說︰「DEVI源於印度文，意思係『女神』，老公知道我鍾意做瑜伽，又話我係佢心目中嘅女神，所以用咗呢個名。」她更事事親力親為，在設計上提出不少靈感及方向，就連揀布料、到工廠監工和宣傳等都落力參與。

做生意做到喊

不過，Lynn表示做生意過程並非一帆風順。「第一次真正自己做生意，好緊張製成品，試過遇到貨不對辦嘅工廠，嗰刻我真係當場喊咗出嚟。」幸好她很快收拾心情，找到另一間工廠趕製衣服。日前首批製成品運到，Lynn堅持幫手搬貨拆箱，仔細檢查每件衫︰「一定要自己親手、親眼驗清楚，先至安心。」

至於宣傳方面，Lynn除了親自拍攝廣告相外，也找來同門師妹麥少瑜影相，Lynn說：「希望生意愈做愈大，將來有機會開實體店，最後可以上市！」

撰文︰李潔盈

編輯︰黃寶恩

設計︰梁政敏