黛安
黛安

傑出女企業家 德國寶陳嘉賢上榜

發佈時間: 2017/09/21

傑出女企業家 德國寶陳嘉賢上榜

3年一度嘅「傑出專業女性及女企業家選舉」名單噚日出爐啦!唔講唔知,原來大家熟悉嘅藝人家燕姐,都喺上一屆拎咗個「傑出專業女性大獎」。而黛安知道,今年有5位傑出女性獲獎,包括大家都好熟悉嘅德國寶廚具,其執行董事陳嘉賢就獲選為「傑出女企業家大獎」,真係恭喜晒!

呢個選舉由香港女工商及專業人員聯會舉辦,今年已經係第7屆,以往嘅得獎者都係嚟自專業界同工商界,今年亦唔例外,除咗陳嘉賢,其餘得獎者包括怡園酒莊董事長陳芳及香港聖公會福利協會總幹事李正儀博士。至於「傑出專業女性大獎」,就由科大電子及計算機工程學系教授馮雁及中大系統工程與工程管理學系系主任蒙美玲奪得。

聽創會會長黃汝璞講,要拎到呢個獎,唔止要喺專業或者企業層面上表現傑出,評判仲好睇佢哋嘅個人道德同對社會嘅貢獻㗎!至於現屆會長麥黃小珍就話,女性嘅包容度同堅韌度都好高,尤其天生擅長分享嘅女性,發展企業更有優勢!

撰文: 黛安 消息特靈八卦公關
欄名: 八卦名利場