iPhone 8 料水位$300 僅早上有得炒

iPhone 8今日正式抵港，但炒價卻被「果農」看淡。先達廣場手機店預計僅早上時段「炒得起」，但收機價最多貴300元；至下午時段隨時要「蝕讓離場」。另有手機店透露客人是「坐8望X」，即打算先買iPhone 8備用，待iPhone X出即換新機。

蘋果新機iPhone 8未推出前，先達商場「回收」報價已跌穿定價，一致被「果農」看淡。但先達「流動帝國」店長Alex指，iPhone 8在今早仍有承接，炒價或升200至300元，當中iPhone 8 Plus需求較高，但他提醒︰「新機下午陸續到場，因為貨多可能要蝕讓離場，如有機就要盡早放出。」Alex透露，早前接到近300張訂單，當中以非首發地區的外國客戶為主；因炒價難起，暫仍未決定是否派人外出收機。

256GB iPhone 8 Plus需求最高

先達「數碼匯」負責人阿勇則指，早前接到約50張定訂單，以256GB的iPhone 8 Plus需求最高，但炒價僅多100元，「細機都未必收」。他坦言今次iPhone 8預訂遠遜於同系列手機，「iPhone 6s及iPhone 7推出首日，最少都有80至100張定單。」

旺角先達廣場手機店「i世代」負責人姚進指，接到約50張定單，雖然炒價不被看好，但有部分人抱着「嘗鮮」心態落訂︰「始終iPhone X要11月才推出，有客人在『過渡期』會先出iPhone 8，待iPhone X推出即換機，明知蝕讓亦在所不惜。」

記者︰脫芷晴