恒隆辦文化導賞團 啟迪年輕建築師

恒隆地產為一班年輕學生舉辦「恒隆‧築跡—年輕建築師計劃」，畀佢地從建築設計了解香港文化變遷。

來自29間中學嘅324位中學生，參觀咗亞洲碩果僅存嘅英國殖民時代軍火庫遺址—亞洲協會香港中心、終審法院大樓等特色建築。恒隆地產執行董事程鼎一指，「建築文化導賞團」今年升級咗，畀年輕人透過講座、工作坊和導賞團，欣賞周邊環境，集團仲出動4位董事、14位顧問、50幾位修讀或剛讀完建築相關課程嘅大學生協助計劃。

而且，學生們仲有機會親自設計建築導賞路綫兼擔任導賞員，勝出者除咗有獎學金，仲可以喺明年暑假出國參加建築導賞團！