富豪機場酒店變魔術 齊見證世界紀錄

魔術世界變化萬千，引人入勝。聽公關姐妹講，之前成功創下5次健力士世界紀錄的「快手魔術師」李行齊（Avon），即將又有新挑戰，就係拍住馬來西亞魔術師夫婦曾玉良同林翠薇，係100秒內完成最多組變裝及瞬間轉移幻象的世界紀錄。Avon同曾氏夫婦之前都戰績彪炳，創下多項1分鐘內完成的魔術世界紀錄，曾氏夫婦更係首次來港獻技，真係別具意義。

想睇表演，記住下周二（24日）去富豪機場酒店晚宴，同500位賓客同場見證創舉。富豪國際酒店集團副主席兼董事總經理羅寶文話，酒店已連續第10年獲頒「全球最佳機場酒店」，希望演出能順利創下世界紀錄，錦上添花；到時富豪酒店仲會喺fb官網直播呀！