【聲明】港生活網站並無進行電話推廣活動

孖住Mr. Men Little Miss 玩昂步棧道 暢遊大嶼山

發佈時間: 2017/10/23

秋高氣爽,又係時候出動行山郊遊!黛安就最鍾意去大嶼山「親親大自然」,呢排留意到好好玩的昂步棧道,又開始接受報名啦!今年賽事唔止行得,仲好有睇頭,皆因大會邀請咗由細陪住港人長大的卡通人物Mr. Men同Little Miss做活動大使「一齊行」,到時一家大細仲可以着住DIY的卡通T恤行山,一定開心到爆燈。

主辦團體香港青年旅舍協會嘅公關姐妹都好貼心,推介一家人最啱參加嘅「樂行組」,全程10公里,4個鐘內由東薈城名店倉廣場出發,途經石門甲欣賞自然風光,順便參觀埋心經簡林的木刻佛經群,仲可以免費搭昂坪360纜車回程,又可遠眺南中國海、赤鱲角機場同北大嶼山郊野公園景觀,簡直正呀。

一家人可參加10公里「樂行組」

講明Mr. Men同Little Miss會陪住你,當然會有打卡位。到時Mr. Happy、Mr. Strong等角色會喺YHA昂坪戴維斯青年旅舍檢查站等大家,想自拍幾多張都無Say No。行完仲可以攞個限量獎牌,同拎埋選手背包、印水貼紙同驚喜禮品返屋企,有得玩兼有禮物!黛安上大會官網,見到好多人已經報咗名兼籌緊款啦,想玩記住要盡快報名啦!

撰文: 黛安 消息特靈八卦公關
欄名: 八卦名利場