方力申願貼錢拍《星戰》

方力申昨日出席《星球大戰︰最後絕地武士》電影主題裝置揭幕禮，身為星戰迷的小方，見到多個1:1角色模型立即嗌心動︰「細個嗰啲都有儲，但係1:1就無，知道古天樂有好多收藏，有機會都想去參觀下。」

取笑小方的收藏也價值不菲時，他說︰「錢唔係好重要，雖然無錢唔得，最緊要係身體健康，心中富有。我唔係講風涼話，我都恨事業上有突破，有人話荷里活出鏡幾秒不如唔好去，我就唔係咁睇，如果畀我有機會喺《星戰》行過，出鏡一秒就死都肯㗎，貼埋錢我都肯呀！」