黛安
黛安

武當山遊煉之旅 學氣功強身健體

發佈時間: 2017/11/02

武當山遊煉之旅 學氣功強身健體

黛安日前巧遇《晴報》社長麥華章,見佢神采飛揚,一問之下原來佢參加咗World Institute of Self Healing(WISH)6天遊煉團,去完武漢、武當山回來。

麥社長話佢已經係第9年參加WISH嘅氣功遊煉團,之前去過九寨溝、峨嵋山、張家界等,每日除咗會遊覽風景名勝之外,每朝出發前都會齊齊操氣和煉功1小時,坐長途車途中都會抽空煉功。

黛安即刻請教麥社長氣功嘅功效,佢話WISH已經喺香港開辦16年,專門教授強身兼治病嘅醫療氣功「太極五行自我康復工程」,通過念力和煉功,激發我哋與生俱來嘅三種潛能,包括自愈力、免疫力和再生力,可以無病防病、強身健體。

麥社長仲話喺今次一行31人,有來自護理、科技資訊、金融界等人士,其中有兩位團友令佢特別印象深刻。身為家庭主婦嘅梁美玲,17年前先後出現低血壓、胃氣多、脊椎移位和各種痛症,直至2007年,經朋友介紹煉功,一個月後血壓就已經回復正常,胃氣減少9成,精神和體力相比以前都有好大改善。另一位就係前抑鬱病患者陳佩華,2006年開始學習此功,翌年已經見到大改善,現時基本康復;依家連陳女士嘅仔仔和老公,都一齊煉功,連鼻鼾都無埋!

順帶一提,WISH「太極五行自我康復工程」最新一期免費講座,會係本月9日(星期四)晚上7時至9時半舉行,有興趣可致電28661768報名或上網 http://www.wishasiapacific.hk瀏覽詳情。

撰文: 黛安 消息特靈八卦公關
欄名: 八卦名利場