【聲明】港生活網站並無進行電話推廣活動

16地標換新裝 打造香港光影之夜

發佈時間: 2017/11/03

去過法國嘅姊妹有無參與過里昂燈光節呢?黛安就有幸見過一次,成個市區嘅街道、建築物同廣場都被各種燈光、投影裝飾得絢麗燦爛,令人一見難忘。嚟緊香港都會有第一個光影盛事「光‧影‧香港夜」,喺今個月23至25號一連3日,香港16個地標包括尖沙咀鐘樓、文武廟、PMQ會披上新衣,真係好期待呀!

一眾本地新媒體藝術家包括洪強、湯秉業等,會同埋曾喺里昂燈光節亮相嘅法國藝術家,圍繞本港16個地標嘅歷史背景創作,喺活動3日期間每晚7至11點,利用燈光裝置、影像投影、藝術作品等,點亮香港。

好似遮打花園就會變為「光影村」,會有餐飲攤檔、兒童繪畫工作坊、臉部彩繪、LED馬戲團、無伴奏合唱團、嘻哈舞等,仲會有導賞團帶大家更深入了解古迹文化同光影藝術創作結合嘅成果。可以喺繽紛嘅光影世界入面重新探索香港,費用全免,快啲約埋朋友一齊去啦!。

撰文: 黛安 消息特靈八卦公關
欄名: 八卦名利場