大埔市中心是沒有牛的，不過就卧虎藏龍、美食雲集，屬低調的掃街勝地。秋風送爽，又到了吃日本菜的季節，先帶大家歎熱騰騰的拉麵，新鮮當造的刺身，再為你介紹新潮玩味泰國菜，還有人情味魚蛋粉店，暖身又暖心。
$72姬達摩辛辣拉麵（麵屋元祖達摩）
太和路是馳名食街，最近又有一餐廳進駐。麵屋元祖達摩開業僅4個月已有不錯口碑，更已儲下一群熟客。「達摩」是日本的許願公仔，當地人會在許願時畫上左眼，願望成真後畫上右眼。負責人Sam指︰「我哋喺公仔上面寫『堅持』兩個字，都係代表我哋對食物質素嘅堅持。」
從取名已充滿日式味道的麵屋元祖達摩，有日本師傅當顧問在背後指導，Sam亦曾於香格里拉大酒店工作，並在酒店認識了現在的顧問，店內拉麵的成分配方就是源自該位日本師傅，來頭不小。
店內最吸引莫過於其高質自家製拉麵湯底，用打碎的豬骨頭熬足8小時至湯底「起膠」，Sam指︰「湯要夠黏身先可以黏住啲麵，有客會覺得湯太稠，但其實呢啲全部係骨膠原嚟。」不但湯底製作認真，店內服務亦毫不馬虎，拉麵的麵質、軟硬度、湯底的濃度，全都任君選擇；搶眼位還有3款「人吃人愛」的叉燒，豚腩叉燒、豚肩叉燒和豚角煮，無論你喜歡厚、薄、肥、瘦，都一定會找到心頭好。
麵屋元祖達摩
地址：大埔太和路15號太和中心地下12號舖
電話：2361 1112 / 2361 1116
營業時間：星期一至日，12nn-10pm
$148 活北寄貝刺身（鮨一日本料理）
還記得較早前在FB紅爆，尖沙咀鮨一日本料理出品的千層海膽飯嗎？別以為高質的日本菜只能在尖沙咀找到，今次來到大埔本店，這邊開業3年多，刺身由日本直送，加上師傅用心處理，絕對有質素保證。負責人Carl認為︰「力不到不為財，差啲就係差啲。」以招牌之一活北寄貝刺身為例，Carl指︰「其實食物質素好睇師傅操守，有啲師傅貪方便，2、3日前開定晒啲貝類，但貝類一死，肉質就會變硬。」
除了製作用心外，小店更充滿人情味。雖然食物質素高，但Carl一直堅持小店規模經營為的就是保持服務質素，他說︰「好老實講，擴充咗一定難好似而家咁，照顧每一個客人需要，我覺得依家規模係最好，我哋都唔想流水作業，依家我哋就算入啲成本高啲嘅貨，可以比出面賣得平，擴充咗一定做唔到呢樣嘢。」Carl認為大埔店做的是街坊生意，除了價錢公道，他更會耐心教導客人食日本菜，讓客人愈來愈「識食」。
鮨一日本料理
地址：大埔翠怡街3號翠怡花園16號舖
電話：2656 6634
營業時間：星期一至日，12nn-3pm，6pm-11pm
$128 青芒大俠大戰翠兒小雞（木船）
從前的大埔只有茶餐廳、鄉土食店、本地街頭小食，最近就連新派泰菜亦落戶這區。集型格裝修與玩味食物的泰菜館「木船」，老闆之一Max除了開泰菜館，還有海鮮酒家、雞煲店、韓國咖啡餐廳等近10間餐廳。經常與客人接觸交流，Max熟知飲食潮流風向︰「韓風真係洩咗氣，我哋間韓菜館已經無以前咁多人，反而另一間泰菜館愈來愈多後生仔食，所以開多一間。」飲食潮流觸覺敏銳的Max說。
「咁多年，做來做去都係嗰幾味，點樣打入後生仔市場呢？」Max開宗明義，不做正宗泰國菜。40、50款泰菜，大部分都融入港式、韓式、西式等元素；食物不拘一格，賣相乍看像西菜，皆因擺盤偏西式。愛新鮮感的，來到一定吃得很開懷。
木船
地址：大埔太和路34號翠怡花園地下
電話：2666 0687
營業時間：星期一至日，7am-10pm
$28 自製魚蛋河粉（廣成麵家）
「廣成麵家」在大埔有30多年歷史，區內街坊食過皆讚。王森幼子、第二代傳人王贊強自17歲回舖頭幫忙，跟爸爸共事20多年，從最初幫頭幫尾的小子，變成承傳父親手藝的大師傅，做魚蛋、墨魚丸、包雲吞、炒辣椒油無一不曉。「做咗咁耐，依家梗係熟手，但諗起最初劏魚起肉，真係好難，成日整爛啲魚肉。」他說。
得爸爸教導，強哥多年來手勢如一，做魚蛋嚴選海南門鱔，貪其肥大、肉質鮮嫩，而且富膠質，配搭油份多的䱛仔，一朝早要劏魚起肉攪拌調味手唧定形等，工夫多多，魚蛋大小不一，凸顯是手造，魚蛋味濃、軟中帶彈。剩下的魚骨會炸香，再配搭豬骨熬湯，份外鮮甜。
廣成麵家
地址：大埔寶鄉街46-52號地下
電話：2653 1338
營業時間：星期一至日，6:30am-1am
撰文︰何美澄
協力︰Carol
攝影（部分）︰林良明
插畫︰何樂
編輯︰余運慶
設計︰招潤洪