城城大方祝福Lynn有喜

由兩位影帝郭富城及王千源主演之懸疑動作電影《破‧局》將於11月16日上映，昨晚舉行好友場。前日熊黛林（Lynn）宣布懷孕喜訊，剛於九月榮升爸爸的郭富城隨即成為焦點。問他可知道舊愛Lynn懷孕消息？他表示︰「我最近忙於拍戲，又要為電影宣傳，無乜留意娛樂新聞，不過，不論做呢行或者圈外人，聽到好消息都會祝福！」

張智霖（Chilam）與老婆袁詠儀及一班好友齊齊捧場，看起來清減了的Chilam，原來最近開始食素，他說︰「因為驗身報告唔係幾好，膽固醇偏高，食肉太多好似唔係幾好。」Chilam又說沒有定下食素期限，總之如果身體健康就繼續，而阿靚就陪他食了一陣就沒有再食了。

採訪︰Pauline