祖兒睇好泳兒最快嫁

吸金能力相當強的容祖兒，手上擁有多個豪宅，不過問到物業數目，她竟然懵盛盛不知情，事關容媽媽負責掌管財政；最近經理人霍汶希豪擲7,000萬買山頂豪宅，祖兒替Mani高興之餘，也呼籲老闆楊受成幫旗下員工實現置業夢想。

容祖兒昨日出席英皇珠寶新品首飾展，佩戴價值逾500萬藍寶石首飾亮相。問到祖兒會否買首飾送給媽媽？她坦言媽媽甚少佩戴如此貴重首飾，有人取笑當祖兒將來出嫁，容媽媽就可以戴名貴首飾，她立刻扯開話題︰「娶新抱或者大壽都可以，我都會買嚟獎勵自己。」祖兒透露早前為手袋品牌設計手袋，覺得相當好玩，要是有人邀請她設計首飾也有興趣。當她再被追問婚期時，祖兒醒目回應︰「結婚話題你都係搵番我公司旗下藝人答，佢哋快過我。（邊個最大機會結婚？）泳兒啦，純粹個人睇法，佢都拍咗拖八年，係時候喇。」

想老闆畀首期

提到祖兒經理人霍汶希（Mani）以7,000萬買山頂豪宅，祖兒直言不知情。有指Mani向楊生借錢畀首期，祖兒聞言後笑謂︰「我哋旗下員工都應該發起叫楊生幫手，希望楊生畀條熱綫我哋，當係員工福利。」名下有不少物業的祖兒，又計劃何時再入手？她說一切交由媽媽打理，她只負責搵錢。

另外，祖兒與好友蔡卓妍（阿Sa）早前應珠寶品牌Bulgari邀請拍攝短片，大玩「Truth or Dare」，阿Sa問祖兒挑選哪位名人做老公？祖兒竟然不選男友劉浩龍，反而最想嫁給美國歌手Bruno Mars，她說︰「因為佢可以同我一齊跳舞，同埋唱歌畀我聽。」

撰文︰Pauline

編輯：林梓添

設計：梁政敏