一田eShop購物優惠日 最低2折 搶購人氣動漫萌物

黛安最近經常留意住日曆，皆因今朝10點起就係「一田購物優惠日eShop率先搶」，超過300款筍貨2折起開賣，仲有美少女戰士家居服，唔使$200就有一套。唔想畀人掃清就要趁早買啦！

一田eShop優惠日向來都好受歡迎，公關姐妹就話，今次嘅活動比以往多咗一日，今日至下周三，每日都有筍貨賣，好似30大超人氣Character萌物，第一次登場嘅Sanrio Bookface一系列潮流便服、家居服，仲有LINE FRIENDS同TSUM TSUM床品套裝等。不過要留意，各搶手Character只會係指定日期限量發售，記得唔好錯過啦。黛安最關注嘅美少女家居服就會聽日起限量發售，月野兔同水野亞美嘅家居服套裝，連靴造型腳套折完都係$179，厚啲仲有美少女戰士水晶絨家居外套，折後$260蚊，係屋企都可以做美少女啦！

美少女居家服賣$179

仲有，以一田信用卡或指定信用卡，單一定單簽帳每滿指定金額，就可以有$25即時折扣，每張定單最多有$100折扣，多簽多賞。如果今次買唔到心水貨品，可以留待今個月23至27號嘅一田購物優惠日，9間分店連同沙田Home Square、將軍澳東港城同旺角MOKO特別展場一齊舉行，到時再血拼！