【聲明】港生活網站並無進行電話推廣活動

騰訊眾創空間 明年落戶觀塘KOHO

發佈時間: 2017/11/10

現時年輕人想創業,但可能缺乏辦公空間。但機會嚟啦!有公關好友同黛安講,騰訊首個海外眾創空間明年初將落戶香港新世界旗下嘅觀塘KOHO大樓,向多媒體創作人提供辦公空間,仲會提供攝影剪輯錄音等專業設備。

新世界執行副主席兼總經理鄭志剛(Adrian)創立嘅K11將成為獨家策略夥伴,攜手打造綫上綫下嘅文化創意生態圈,Adrian亦會出任「騰訊眾創空間(香港)」營運方榮譽主席。K11美術購物館亦會提供表演場地、市場推廣等支援,安排具潛質嘅文創人,定期舉行迷你演唱會、舞蹈表演、視頻首映會等,等佢哋一展才華。

黛安一早就有聽聞過騰訊眾創空間喺內地嘅創業社群生態圈,現時共覆蓋25個城市,總面積達100萬平方米,現有600萬名創業者,總估值約3,000億元人民幣。有意創業嘅香港年輕人,記得要把握機會呀!

撰文: 黛安 消息特靈八卦公關
欄名: 八卦名利場