【聲明】港生活網站並無進行電話推廣活動

屈臣氏1700呎概念店 1900款Baby貨品任你揀

發佈時間: 2017/11/15

父母幾時都想將最好嘅嘢畀小朋友,黛安唔少媽媽級朋友都對BB用品有要求,方便就腳、產品有質素又多元化嘅店舖就好重要,Watsons Baby就fit晒佢地嘅要求。黛安最近同香港屈臣氏貿易總監陳馥蘭(Joanne)傾開,原來佢哋喺愉景新城開咗全港最大Watsons Baby,爸媽們有福喇!

黛安見到呢間概念店時都嚇一跳,原來喺面積超過1,700呎嘅舖頭,有成600個品牌、3,600款產品,分好專區、排列有序,保證爸媽們搵到需要嘅嘢。舖頭設計好有心思,光猛舒服,貨架之間留咗充足空間畀BB車經過,貨架又有簡潔易明嘅產品介紹,認真細心!

Joanne話,年輕父母愈來愈多,市場對BB產品嘅需求增加,而且更着重產品嘅質素,所以就揀咗喺愉景新城呢個適合一家大細嘅商場去開概念店,提供一站式購物,而忙碌嘅爸媽亦都可以上官網買!

概念店有6成係新引入同獨家嘅產品,好多係外國極具人氣、天然、有機之選,黛安就推介Baby Natural by Watsons嘅金盞花系列,呢個係澳洲製造嘅護理產品,經皮膚科測試嘅溫和低刺激配方,成日紅卜卜嘅敏感BB肌都用得啊!

撰文: 黛安 消息特靈八卦公關
欄名: 八卦名利場