【聲明】港生活網站並無進行電話推廣活動

翠華慶50周年 會展辦晚宴

發佈時間: 2017/11/15

今時講起茶餐廳,有邊個唔識翠華!黛安前晚應翠華Michelle邀請,出席佢哋嘅50周年晚宴,仲見到《晴報》社長麥華章,大家都好戥翠華高興!翠華前晚喺會展筵開超過120席慶祝,雲集多位政商界名人,非常令人佩服。

翠華集團主席兼執行董事李遠康致辭時話,翠華50年一直堅守住快靚正嘅宗旨,5年前成功上市並擴展至內地;未來會繼續拓闊平台、發展海外市場、提升數據管理等,仲會大力發展「至尊到會」,到2022年開設130間分店,將翠華打造成百年企業!當晚李遠康仲送咗隻名錶畀翠華創辦人蔡創波(波叔),場面非常溫馨。

撰文: 黛安 消息特靈八卦公關
欄名: 八卦名利場