【聲明】港生活網站並無進行電話推廣活動

飛行旅途購物兼煲劇 國泰加推高速Wi-Fi

發佈時間: 2017/11/17

相信唔少朋友搭飛機嘅時候,都試過唔知點樣打發旅途當中嘅時間,其實黛安成日都好想喺機上上網煲劇同睇新聞,可惜又唔係間間航空公司都有Wi-Fi。噚日黛安就聽到個好消息,國泰航空喺明年年中開始,會喺波音777客機同埋A330空中巴士上面提供高速Wi-Fi!

公關姊妹噚日同黛安分享呢個喜訊,國泰航空顧客及商務總裁盧家培話,乘客對機艙網絡服務嘅需求日益殷切,公司都好明白喺飛行途中能夠保持聯繫,對乘客係好重要嘅。喺不久將來,當安全帶指示燈熄咗之後,大家就可以喺3萬5千呎高空上寫意漫遊網絡世界!到時乘客可以用手提電腦、平板電腦、智能電話,透過高速服務喺旅途中check email、上網、網上購物,甚至打卡都得啦!

依家國泰已經喺空中巴士A350-900客機成功引入機艙寬頻網絡,盧家培仲預計去到2020年,佢哋所有廣體客機都會設置無綫網絡,黛安真係好期待呢一日呀!

撰文: 黛安 消息特靈八卦公關
欄名: 八卦名利場