【聲明】港生活網站並無進行電話推廣活動

去饒宗頤文化館 行手作市集 賞藝術展

發佈時間: 2017/11/17

饒宗頤文化館最近舉辦咗個「『遺失角度』香港教育大學x潮蒲饒館裝置藝術展」,黛安去參觀,見到展出咗16位青年藝術家、共7組以「城市角落」為題嘅裝置藝術作品,發掘被人遺忘咗嘅城市角度。

其中一件藝術作品《回憶》,以被遺棄嘅樹木作創作媒介,直接以香港我城嘅生活、記憶、感情作為繪畫素材,黛安最印象深刻嘅係《城市巨人》,利用廢鐵同棄置物組成象徵急速發展,表現城市裏日漸消失嘅人文空間,喚起我哋對城市文化嘅記憶。藝術展由即日起至今個月30日,喺饒宗頤文化館戶外園區舉行!

而今個月26日饒館仲有另一場主題活動「潮蒲饒館-城中有人」,到時仲有30檔本地手作檔主嘅市集,除咗逛手作市集之餘,大家仲可以參加知名手作品牌手作J(Jason)嘅「印象城市」窗花橡皮印章工作坊,以刻劃窗花幾何圖案表達對舊城區嘅印象。

撰文: 黛安 消息特靈八卦公關
欄名: 八卦名利場